2006–2012 жылдары Әл-Фараби атындағы Қазақ ұлттық университеті Шығыстану факультетінде «Шетел филологиясы» мамандығы бойынша білім алып, бакалавр және магистр дәрежелерін иелендім. Университетті тәмамдағаннан кейін Қазақстандағы Иран Ислам Республикасы Елшілігі жанындағы Мәдени орталықта парсы тілі аудармашысы болып жұмыс істедім. Кәсіби қызметімде аударманың ерекшеліктері және мәдениетаралық коммуникацияға ерекше мән беремін. Ғылыми және кәсіби қызығушылықтарым: мәдениетаралық коммуникация, когнитивистика және шетел тілдерін оқыту әдістемесі. Шығыс елдерінің тілдері мен мәдениетін зерттеу мен үшін қызығушылық тудыратын тақырыптар. Алдағы уақытта тіл және мәдениет саласында ғылыми зерттеулерімді тереңдетіп, кәсіби дамуымды жалғастыруды мақсат етемін.